總算睇完,講任何野之前一定要講左呢句先
利迪你他媽的雜碎!!!!
前半段其實睇到眼突突
瑪莉坦真係死得好無謂,原作利迪都話係誤會擬亞加瑪對佢有敵意先發狂
OVA都已經有所有人既意識交流,差半步就咩事都無,結果都係要推利迪開槍,氣氛仲要營造到好似食唔到女先有怨恨既感覺
唉
我都知瑪莉坦既死同當年拉拉既死一樣,係用黎引導出新人類既力量,係推動劇情既必要元素
但劇情肯定可以處理得更好囉......
對原作黨來說有好多場精彩戰鬥都無左,但最後嘗試捉番一啲理念性既野去講都算係咁(三連星果句好有骨www)(由達卡被改開始我已經無期望過OVA會盡力重現小說既經典鏡頭,到最後jesta無哂發揮鏡頭www)
只不過我又有啲擔心笨大做過左火位
UC小說都只係堆砌元素去盡可能呼應之前咁多套高達講過既野
OVA竟然加入更明顯的暗示--由古谷徹,潘恵子,池田秀一既對話去嘗試同過去做出更緊密的連接
但問題就係,成套UC富野到底有無參與落去?嘗試去為一些過往既理念加既新解釋又係咪同原作者諗法一致?(cast list只有古谷徹,潘恵子而無角色名都算係最低限既尊重)<--我有一段無睇清楚,可能有誤
定係笨大想借UC去表達出"高達"已經唔再係反映出原作者的"祈願"既創作,而只係被更大勢力操縱的推銷工具?
講番OVA,聲畫效果一流,BGM編曲,插入時期都恰到好處,成功係指定位置牽動到觀眾情緒
最後由父親懷中回到奧黛莉身邊果幕比小說更好
作為娛樂作品的品質無話可說,但有無更深入既思考空間?由原作開始我已經覺得無呢樣野存在
--------------------------------------------------------------------------------------------------------------
有重畫過既OYW,馬反片段都算係有驚喜,我認我睇到呢段同聽到拉拉,亞寶把聲都呆左係到
[ 本帖最後由 chickenpowder 於 2014-5-17 02:19 編輯 ]
