發新話題
打印

[2019年7月番] 新番(ry)&視頻&討論區

本主題由 風之魂 於 2019-7-9 22:06 設置高亮
7月番完閱後感:
有驚喜:
就算是變態也喜歡嗎(8分):5-7集同11-12集真係出色,尤其第7集係堅神,基友同白毛感情線塑造得好好。當初因為畫風我淨係覺得會有6分,依家完全打臉。妹妹係灰姑娘就第1集就估到,不過最後無處理得完全無令我反感,最後自爆係露出狂都好點題。
街角魔族(8分):原本因為PV問題覺得會比JC獻祭,結果居然係JC7月最佳。女主條尾真係太鬼畜。女主妹妹睇中國書都係大亮點。
高木2(9分):高木越黎越主動,正。我檸檬了。
魔術學姐(7分):預期5分,但係男主性格正,情節都足夠好笑。係賣肉手法方面都算係出色。
女高中生的日常(9分):真心估佢唔到,比男高仲好笑,個個角色都印象深刻。話說B站有個翻唱真係超似戶松遙。
魔眼收集列車(8分):經歷過FA同FE後我本來無乜期望,但係出到黎效果好好,因為我特別鍾意Fate/Zero所以對大帝王妃的故事有共嗚。反正只要唔係平行世界就得。戰鬥部分本來就唔應該期望太多。不過唔係半年番所以節奏都係有少少趕。最估唔到係有FA角色出場,變相令我覺得睇左FA有dd加強魔眼收集列車的觀感。


符合預期:
遭難(8分):穩定發揮,無特別爆點。重口味求生題材係幾新。
鬼滅之刃(7分):畫面音樂確實頂級。雖然個個都吹19集,但係我都係feel唔到靈魂住,不過對以後發展係樂觀,期待對柱同鬼月有更好的描寫。
超能魔術師(3分):果然平庸到無得再平庸。
你媽劈(5分):都預左係呢個水平,但係始終覺得個設定係有好大發揮空間。


低於預期:
騷動時節(7分):預期9分,但中後期劇情覺得一般,可能係我呢d粗人唔識貨。
平職(3分):不解釋。
cop craft(6分):畫面唔崩會有8分,可惜。崩到影響觀感係不可原諒。
C&T(5分):劇情好無聊,歌一般般,比5分只係睇在制作分上,最失望之一。
地錯(5分):劇情完全離題,打鬥係屎。
一方(3分):比地錯更差,黃毛太智障。居然大機率會出第二季...

----------
滿月之戰岩岩down完,呢個星期睇埋佢1-3:小圓+FSN???
4:Z高達???
5:神高達VS惡魔高達+虛化月牙天衝???
6:死氣之零地點突破???
補完,8分,我真係唔係睇緊UC系高達???

[ 本帖最後由 暗之彗星 於 2019-10-12 20:36 編輯 ]

TOP

Granbelm

不太想講太多, 不過後期越來越像高達而且甚至出了斯洛哥之死的名場面真的笑得出來...
免責: 我一邊砌模型一邊看的...(素組完成了1/100000的Super Star Destroyer和1/14500的Star Destroyer, 還有砌了半艘撫子號, 越來越多艦有模型真是太好了)

音樂方面最終戰真的給我有幾個音是獨角獸發威的音樂也是...

整體來談感覺是捉到鹿不懂脫角.
個別部份的概念其實不錯, 但是絕大部份人物給人的感覺就是空洞沒有太多成長.
當然集數上來談也很難有很多空間來做個別人物劇情, 但連幾個算是有多點戲份的人的劇情都沒好好交代(例如其他幾人的願望都沒好好講清楚)
最後結局也有點莫名其妙, 為甚麼新月的願望會讓她的存在不穩定? 其他人又不會?
勉強作出腦補就是她成為魔法師但魔法已在世上消失?
那她應該是不能存在才對. 不然就應該像其他人一樣變成非魔法師的存在.
然後存在不穩定卻又好像可以正常上學?
整個說故事的方式真是莫名其妙.
病的不夠病, 奸的不夠奸, ゼゼ那三姊妹另外兩個更是可有可無, 她們母親講一堆話也是不明.
滿月和新月的關係讓人強烈聯想到最近另一機人番SSSS Gridman的茜和六花也就算了, 最終戰還不明所以地要滿月犧牲掉...
新月先衝上去又不是不用打, 哪滿月拖時間理由是甚麼? 明明只有一個敵人卻硬想要做甚麼"這邊交給我"的劇情?


戰鬥分鏡也是一般般, 無甚驚喜.
可見的就是經常用大招或閃過來避免作畫.
本身問題不算大, 但是放在人物劇情也交代不全的狀況下就明顯有問題了...

TOP

發新話題